E hobennan ku a drenta un trájekto na Stichting Project a pasa den kosnan difisil. Esaki ta pone ku hopi bia nan ta haña nan tin ku enfrenta problemanan den diferente area di nan bida, ku hopi bia ta pone nan pèrdè konfiansa tambe den adultonan i e mundo rondo di nan. Esaki ta eksigi hopi di e hoben i tambe di e profesionalnan ku mester yuda nan.
Pesei nos mester ta bon kla i spesifiko den nos aserkamentu na nan, den e manera ku nos ta pone limite pa nan i kon nos ta apoyá nan. Konfiansa ta krese den relashon di hόben ku adulto na momentu ku nan ta eksperensiá ku adultonan ta na nan banda, meskos ku ora ta koreginan. Konfiansa den nan mes i den otronan ta un kondishon pa nan por desaroyá perspektiva nobo i tuma pasonan firme pa futuro. Nos kier duna hόbennan un eksperensia positivo i stimulanan pa deskubri i/o desaroyá nan talentonan.
Nos kier logra esaki door di traha huntu ku otro personanan importante manera tata i mama, famia, otro organisashonan i enseñansa.
